Dekabrın 3-də İsveçrənin Nyon şəhərində 17 və 19 yaşadək futbolçulardan ibarət yığmaların iştirak etdiyi Avropa çempionatının elit-raund mərhələsinin püşkatması keçiriləcək.
İdman.com.az-ın AFFA-nın saytına istinadən yaydığı xəbərə görə, saat 13:40-da U-17-nin rəqibləri müəyyənləşəcək. Komandalar 8 qrupa bölünəcəklər. Qrup qalibləri və 2-ci yeri tutanlar arasında 7 ən yaxşı nəticə göstərən yığma Bolqarıstanda təşkil ediləcək final mərhələsinə vəsiqə qazanacaq. Səbətlərin tərkibi belədir:
A səbəti: Almaniya, Polşa, İspaniya, İngiltərə, Avstriya, Portuqaliya, Hollandiya, Çexiya
B səbəti: Xorvatiya, Şotlandiya, İrlandiya, İtaliya, Rusiya, Fransa, Rumıniya, Belçika
C səbəti: Norveç, Gürcüstan, Slovakiya, Belarus, Macarıstan, Serbiya, İslandiya, İsveç
D səbəti: Yunanıstan, İsrail, Sloveniya, Uels, Şimali İrlandiya, Azərbaycan, Bosniya və Herseqovina, Ukrayna
Saat 14:20-də isə U-19-un rəqibləri müəyyənləşəcək. Komandalar 7 qrupa bölünəcək və qaliblər Yunanıstanda təşkil ediləcək final mərhələsinə vəsiqə qazanacaq. Səbətlərin tərkibi belədir:
A səbəti: İspaniya, İngiltərə, Rusiya, İtaliya, Hollandiya, Slovakiya, Monteneqro
B səbəti: Avstriya, Portuqaliya, İsveçrə, Ukrayna, Fransa, İsveç, İrlandiya
C səbəti: Xorvatiya, Almaniya, Polşa, Danimarka, Belçika, Serbiya, Gürcüstan
D səbəti: Çexiya, Bosniya və Herseqovina, Türkiyə, Norveç, Litva, Azərbaycan, Şotlandiya
|
