| Xəbərlər |
|
|
|
| Digər xəbərlər |
|
| Millətlər Liqası. C divizionu. “C” qrupu |
| N: |
Komandalar |
O |
Q |
H |
M |
T/F |
X |
| 1 |
Belçika |
6 |
5 |
1 |
0 |
16-3 |
16 |
| 2 |
Avstriya |
7 |
5 |
1 |
1 |
15-7 |
16 |
| 3 |
İsveçrə |
5 |
2 |
0 |
3 |
11-8 |
6 |
| 4 |
Azərbaycan |
6 |
1 |
1 |
4 |
4-12 |
4 |
| 5 |
Estoniya |
6 |
0 |
1 |
5 |
2-18 |
1 |
|
| Premyer Liqa. Turnir cədvəli |
| N: |
Komandalar |
O |
Q |
H |
M |
T/F |
X |
| 1 |
Qarabağ |
27 |
21 |
3 |
3 |
71-23 |
66 |
| 2 |
Sabah |
27 |
11 |
7 |
9 |
39-32 |
40 |
| 3 |
Neftçi |
27 |
11 |
7 |
9 |
34-29 |
40 |
| 4 |
Zirə |
27 |
10 |
9 |
8 |
21-18 |
39 |
| 5 |
Sumqayıt |
27 |
10 |
9 |
8 |
26-32 |
39 |
| 6 |
Səbail |
27 |
10 |
7 |
10 |
39-41 |
37 |
| 7 |
Turan Tovuz |
27 |
9 |
8 |
10 |
41-38 |
35 |
| 8 |
Araz-Naxçıvan |
27 |
8 |
8 |
11 |
27-36 |
32 |
| 9 |
Kəpəz |
27 |
7 |
6 |
14 |
29-47 |
27 |
| 10 |
Qəbələ |
27 |
4 |
4 |
19 |
20-51 |
16 |
|
|
|
| Dəyişən yalnız cizgilər olacaq |
|
|
Tarix: 12.01.2021 | Saat: 07:32:00 | E-mail | Çapa göndər
|
|
.jpg)
BATI YAR | batyyar@mail.ru
Yeni ilin 5 turu sparrinq və axtarışlarla keçəcək
Milli futbol çempionatının yeni mövsümü COVID-19 koronavirus infeksiyası ilə mübarizə şəraitində keçir. Dekabr ayında mövsümün oyunlarının təxirə salınması planlara ciddi təsir etməyib.
Gözlənildiyi kimi, komandalar pandemiya şəraitində qış fasiləsini də ölkəni tərk etmədən keçirirlər. Mövsüm yanvarın 21-də bərpa olunacaq. Hazırlıq isə bütün klublarda yanvarın ilk günlərindən bənzər qaydada başlanıb. Heyətlərdə böyük yeniliklər gözlənilməsə də, əvvəlki dövrün təcrübəsinə əsasən, kollektivlərdə bəzi oyunçu yerdəyişmələri var. Ölkə xaricindən isə bir əlin barmaqlarının sayı qədər futbolçu transferinin gerçəkləşdirilməsi mümkündür. Komandalar pandemiya şəraitində əsas diqqəti mövcud hazırlıq səviyyəsini optimallaşdırmağa yönəldiblər.
Dekabr ayındakı virusa yoluxma seriyası nəinki turların təxirə salınmasına, eyni zamanda, komandaların fiziki hazırlıq komponentlərinə də əsaslı təsir göstərib. Bu təcrübəyə əsasən, klublar futbolçuların daha çox sağlamlıq və özünütəcrid məsələlərinə diqqət yetirməlidir. Bunun vacibliyini mövsümün əvvəlində xüsusi qeyd etmişdik. Lakin bu istiqamətdə xüsusi bir yanaşma müşahidə olunmadı və nəticəsi də komandaların fiziki natamamlığında özünü büruzə verir. Elə buna görə 14-cü turun görüşlərindən başlayaraq, komandaların təxminən 5-oyunluq seriyasını, hazırlıq matçlarında olduğu kimi, axtarışlar dövrünə bərabər tutmaq lazım gələcək. Sabitliyi qoruya bilən klublar turnir cədvəlində daha çox irəliləyə biləcəklər.
Hazırlığa gəlincə, çempion "Qarabağ" sparrinqlərə "Zirə" ilə başlayıb (14 yanvar), elə bu görüşlə də tamamlayacaq.
Prinsip etibarı ilə baş məşqçinin bu gedişini anlamaq olar. Komandanın optimal oyun sxemi bəllidir və heyətin gücü istənilən rəqiblə müvafiq səviyyədə oynamağa əsas verir. Buna görə daha çox məşqlər oyun kondisiyasını lazımi tempə çatdıra bilər. Klubda yeni oyunçu yoxdur. Bir futbolçu - gənc Musa Qurbanlı isə mövsümü "Zirə"də başa vuracaq.
"Neftçi"də daha fərqli mənzərədir. Komanda yoxlama matçında qüvvəsini sınayıb. Bazar günü "Kəpəz"lə keçirilən görüş 1:0 (Namiq Ələsgərov) hesabı ilə yekunlaşıb. Növbəti və sonuncu sparrinq "Keşlə" ilə ayın 14-də olacaq. Yeri gəlmişkən, kollektivin məşqçiləri sırasına bir əcnəbi əlavə olunub. Fiziki hazırlığa məsul məşqçi 28 yaşlı ispaniyalı Eduardo Karodur. O, əvvəlki mövsümdə "Sumqayıt"da çalışıb. Klubda yeni transfer də gözlənilir. Bu, ilk növbədə, komandaya uyğunlaşa bilməyən konqolu Prins İbarranın heyəti tərk etməsindən sonra gündəmə gəlib. Hələlik bilinən odur ki, yayda transfer edilmiş Cabir Əmirli icarə əsasında "Sumqayıt"ın formasını geyinəcək.
"Keşlə"nin də hazırlıq planında "Neftçi"dən savayı, daha bir qarşılaşma var. Klub bazar günü aşağı dəstədən MOİK-lə qüvvəsini sınamalı idi, lakin bu ideya daxili sparrinqlə əvəzlənib. Komanda yeni ili ilk əcnəbi transferi ilə qarşılayıb. Heyətə Moldovanın "Şerif" klubundan Anatol Abanq cəlb olunub. Kamerun millisinin heyətində 6 oyun keçirmiş 24 yaşlı mərkəz forvardla 1-illik müqavilə imzalanıb. Digər transfer Gürcüstan "Samtredia"sının formasını geyinən Nicat Qurbanovdur. Komandanı tərk edənlər də var. Bunlar özbəkistanlı Şahrux Qadoyev, braziliyalılar Artur Batişta və Alvaru Tavareşdir.
"Sumqayıt"ın hazırlığının əsas hissəsi "Zirə" ilə yoxlama matçı (3:2 - C.İmamverdiyev-2 qol, Hüseynov) olub. Qarşıda "Qəbələ" ilə sınaq da var. Mövsümə fövqəl yüksəlişlə başlayıb, hətta turnir cədvəlində liderliyi ələ alan kollektiv daha sonra uğursuzluqları ard-arda düzməklə yeni ili fərqli hisslərlə qarşılayıb. Maraqlıdır ki, komanda, həmişəki kimi, liderliyin və yaxud yuxarılarda olmağın psixoloji basqısına tab gətirə bilmir. Bu isə oyun nizamında əksini tapir. Hərçənd bunu keçirilən qarşılaşmalarda bir o qədər də hiss etmək çətin idi və ilk baxışda, komanda həmişəki oyununu nümayiş etdirir. Lakin dəyişən də məhz bu zaman yol verilən kiçik nöqsanların cəmində özünü büruzə verir. Klub Əmirlidən savayı, ötən mövsüm-də formasını geyinmiş Mehdi Şərifini də heyətinə cəlb edib. Məşqçi korpusu qış fasiləsi ərəfəsindəki enişin təsirlərini aradan qaldırmağa çalışmalıdır.
"Zirə"nin əsas oyun və oyunçu məlumatları əvvəlki klubların təqdimatında var. "Sumqayıt"la oyunun nəticəsi bəlli olan (2:3 - Volkov, Qurbanlı) kollektiv ayın 14-də çempionla gücünü sınayacaq. Məlumata görə, Musa Qurbanlıdan savayı, mövsüm bərpa olunana qədər komandanın bir əcnəbi futbolçu ilə anlaşma imzalaması mümkündür. Yeri gəlmişkən "Zirə"ni Rəşad Eyubov və braziliyalı Kayu Rangel tərk ediblər.
Klubun əsas problemi hazırda qeyri-sabitlikdir. Komandanın 3-cü pillədə olması isə daha çox "Sumqayıt" və "Keşlə"nin qeyri-sabit və eniş-yoxuşlu mövsüm keçirməsi ilə bağlıdır. Amma fasiləyə qədər baş məşqçi komandada müəyyən oyun nizamına yaxın sabitlik əldə etmişdi. Qış fasiləsindən sonrakı ilk turlarda bunun nə qədər oturaqlaşması və yaxud dəyişməsini görəcəyik.
Mövsümün ən çox məyusluq yaşadan və ümidləri doğrultmayan kollektivi, hazırda turnir cədvəlinin son pilləsində məskunlaşmış "Sabah" da hazırlığı cəmi bir oyunla - yanvarın 14-də "Səbail"lə tamamlayacaq. Ənənə üzrə istər qış, istər yay dövründə transferlərlə zəngin olan komanda bu dəfə moldovalı yarımmüdafiəçi Yevgeni Koçukla yollarını ayırmaqla gündəmə gəlib. Komandaya Bəxtiyar Həsənəlizadədən savayı, "Səbail"də icarə müddəti başa çatan Arsen Ağcabəyov qoşulub. Dünən "Sabah" heyətinə Finlandiya "İlves"inin 21 yaşlı kotdivuarlı hücumçusu Tiemoko Fofananı mövsümün sonuna kimi icarə əsasında cəlb edib. Klub Şakir Seyidovla müqavilə müddətini isə 2023-cü ilin iyun ayına kimi uzadıb.
"Səbail"in də hazırlığının heyətdən kənar sparrinq hissəsi "Sabah"la oyundan ibarət olacaq. Komandanın heyətini icarə müddəti bitmiş Arsendən savayı, Əli Sadıqov, Murad Qayalı, və Arazın o tayından Bəxtiyar Rəhmani tərk ediblər. Müqavilə ilə bağlı yeganə xəbər isə klubun 18 yaşlı yetirməsi Şamil Cəfərovla sazişi 2024-cü ilə qədər uzatmasıdır.
"Qəbələ"də də prinsipial yenilik yoxdur. Sabaha qədər Qəbələdə, daha sonra Bakıda təlim-məşqdə olacaq komanda yanvarın 14-də "Sumqayıt"ın qonağı olacaq. Bu komanda "Səbail"lə yanaşı, mövsümün ən zəif bəndi olmalı idi. Lakin sıx və optimal, həmçinin pandemiya dövründə ən doğru hazırlıqla kollektiv yeni il ərəfəsindəki nəticələri də nəzərə alınsa, ümidverici bir dövr keçirib və hazırda nə oyun, nə də heyətin hazırlığına görə rəqiblərindən geri qalmır.
BATI YAR
|
|
| |
|
Xəbər 337 dəfə oxundu
|
Müəllifin son yazıları
|
|
|
|
|
|
