| Xəbərlər |
|
|
|
| Digər xəbərlər |
|
| Millətlər Liqası. C divizionu. “C” qrupu |
| N: |
Komandalar |
O |
Q |
H |
M |
T/F |
X |
| 1 |
Belçika |
6 |
5 |
1 |
0 |
16-3 |
16 |
| 2 |
Avstriya |
7 |
5 |
1 |
1 |
15-7 |
16 |
| 3 |
İsveçrə |
5 |
2 |
0 |
3 |
11-8 |
6 |
| 4 |
Azərbaycan |
6 |
1 |
1 |
4 |
4-12 |
4 |
| 5 |
Estoniya |
6 |
0 |
1 |
5 |
2-18 |
1 |
|
| Premyer Liqa. Turnir cədvəli |
| N: |
Komandalar |
O |
Q |
H |
M |
T/F |
X |
| 1 |
Qarabağ |
27 |
21 |
3 |
3 |
71-23 |
66 |
| 2 |
Sabah |
27 |
11 |
7 |
9 |
39-32 |
40 |
| 3 |
Neftçi |
27 |
11 |
7 |
9 |
34-29 |
40 |
| 4 |
Zirə |
27 |
10 |
9 |
8 |
21-18 |
39 |
| 5 |
Sumqayıt |
27 |
10 |
9 |
8 |
26-32 |
39 |
| 6 |
Səbail |
27 |
10 |
7 |
10 |
39-41 |
37 |
| 7 |
Turan Tovuz |
27 |
9 |
8 |
10 |
41-38 |
35 |
| 8 |
Araz-Naxçıvan |
27 |
8 |
8 |
11 |
27-36 |
32 |
| 9 |
Kəpəz |
27 |
7 |
6 |
14 |
29-47 |
27 |
| 10 |
Qəbələ |
27 |
4 |
4 |
19 |
20-51 |
16 |
|
|
|
| Yorğun “Qarabağ" və təqibçiləri |
|
|
Tarix: 28.12.2019 | Saat: 07:10:00 | E-mail | Çapa göndər
|
|
BATI YAR | batyyar@mail.ru
Mövsümü canlandırmaq mümkün olacaqmı?
Milli klub futbolu mövsümündə kubokun 1/4 final görüşlərindən sonra uzun fasilə başlandı. Kubokun bu mərhələsində bütün iştirakçıların elita təmsilçiləri olduğunu nəzərə alsaq, nəticələr fasilə dövründə klublara son istiqamətverici göstərişləri kimi qəbul oluna bilər. Üstəlik, yarışın formatı bu məsələni çempionatdan daha qabarıq şəkildə üzə çıxarır.
Beləliklə, yanvar ayı ərzində elitarlar yeniləşmək üçün son cəhdlərini göstərəcəklər. Fevralın 1-də bərpa olunacaq Premyer liqa turnirinə kimin nə ilə çatacağını indidən söyləmək çətindir. Çünki klubların hələ də ciddi bir planının və yenilik üçün prioritetlərinin olmadığı aşkardır. Hər halda ilkin araşdırmalar göstərir ki, elita təmsilçilərinin, ən azı, transferlərlə bağlı konkret planları yoxdur və ya məhdud çərçivədədir. Ənənə üzrə "oradan-buradan" prinsipi ilə heyətə uyğun gələn adlar axtarılacaq.
Söhbətə "Qəbələ"dən başlamaq olar. Çünki son illərdə əsaslı iş görmək istəyən klubda vəziyyət qeyri-müəyyənliyə üz tutub. Böyük futbol anlayışı ilə əsaslı təsərrüfat qurub, sistemli fəaliyyət üçün zəmin yaratması fonunda əsas komanda ilə bağlı yaranan suallar qeyri-sabitliyin mənbəyinə çevrilməkdədir. Bu vaxta qədər belə klubların sıradan çıxması futbolumuz üçün ağır nəticələnib. Hər dəfə əsas komandanın rəqabətdən çıxması ilə bütün qurulmuş sistem dağılıb. Bunun acı təsirləri mərkəzləşmiş qaydada tənzimlənməyən futbolunun taleyində də əksini tapır. Buna görə də AFFA-nın uşaq futbolunda nizam-intizam yaradaraq, onun təşkilati dayaqlarının möhkəmləndirilməsinə nail olmasına kəskin zərurət yaranıb. Ən azı, sığortalanmış və yaxud dəstəkverici, stimullaşdırıcı tədbirlərə, bu işin məhsuldarlaşmasına təsirli addımlar yetərli olmalıdır.
Əlbəttə, bütün bunlar barədə zamanla söhbət açırıq. Hazırda isə fasilə - yeni axtarışlar dövrünə qədəm qoymuş cari mövsümə nəzər salmaq lazımdır.
Son illərin əvəzsiz liderinə çevrilmiş "Qarabağ"ın Avropa səhnəsinin əsas yarış mərhələlərində artıq ənənəyə çevrilmiş iştirakına rəğmən, nisbi uğursuzluqları müşahidə olunurdu. İlk əvvəl bu, komandanın milli çempionatdakı nəticələrinə təsir etmirdi. İkinci dövrə oyunlarında əsaslı eniş hiss olunmağa başlandı. Bu yorğunluqla əlaqələndirilsə də, zənnimcə, komandanın heyəti Premyer liqada iddialı rəqabət üçün yetərlidir. Bu səbəbdən yorğunluğun daha çox psixoloji əsaslarını axtarmaq lazımdır. Son illərdə komandanın məhz bununla bağlı ciddi problemləri aşkar görünür. Onun Avropadakı oyunu ehtiyat skamyasının kiçikliyi və darlığı ilə izah oluna bilər. Lakin motivasiyanın yetərincə olmaması da bunun tərkib hissəsidir.
Oyun sarıdan problemlər daha çox "Neftçi" ilə oyunda özünü büruzə verdi. Kluba futbolçu standartlarına ənənəvi baxışı dəyişmək lazımdır. Daxili rəqabətdən çox, yetişməkdə olan yerli futbolçulara münasibətdə və onların heyətlə həmahəng məşq prosesinə münasibətdə də axsamalar var. Bundan savayı, illərdir Avropaya çıxan bir klubun hələ də oyunçu transferləri siyasətini dəyişməməsi qəribədir. Konkret vəzifələr də aydın deyil. Əlbəttə, bütün bunlar heç də yerli futbol arşını ilə sadalanmır: bu mənada hər şey qaydasındadır. Çünki fasilədən sonra "Qarabağ"ın fikri yalnız çempionata köklənəcək.
Mövsümün ən çox rəqabət ümidi bəslənilən komandası kimi, "Neftçi" ziqzaqları yenə labirintə çevrilməkdədir. Əlbəttə, yeni sükançı ilə çox şey dəyişib. Fəqət bunlar oyun sabitliyindən çox, qeyri-müəyyən eniş-yoxuşlarla gündəmə gəlir. Avropada "Arsenal" üzərində qələbədən sonrakı eyforiya ilə qəfil enişin milli çempionata təsir etməsi, sonrakı yüksəliş və ardınca yenidən qəfil eniş komandada peşəkar yanaşma tərzindəki təzadları əyani nümayiş etdirir. Bu, sabitliyə doğru addımlara mane olur. Ümumi fiziki və funksional hazırlıqda müsbət tendensiya bəzən oyunlarda konkret vəzifələrin doğru seçilməməsi ilə təzadları dərinləşdirir. Nəticədə, qarşıdakı dövr böyük seçim qarşısında qalan klubun konkret hədəflərə köklənməsi üzərində qurulmalıdır.
Ötən mövsüm elitadan aşağı yuvarlanmalı olan "Keşlə"nin yüksələ biləcək bir komandanın olmaması səbəbi ilə Premyer liqada qalması düşərli olub. Əslində, elə keçən mövsüm hiss olunurdu ki, komanda dəyişir. Bunun da nəticəsi görünür və artıq medallar uğrunda rəqabət aparılır. Hərçənd dəyişmək üçün yeniliklərə ehtiyac var. İlk əvvəl oyunçulara. Çatışmayan sabitliyin başlanğıcı buradadır. Baş məşqçinin mövcud potensialdan tam istifadə etdiyi aydındır. Uğurlu Frutos transferi ilə yanaşı, "Keşlə"nin daha bir neçə mövqedə, xüsusən orta sahədə yeni təpərli futbolçularla güclənməsinə ehtiyacı var.
Ümumən hazırda ikinci pillədə növbə ilə bir-birini əvəz edən "Neftçi" ilə "Keşlə"nin hazırkı durumunun əsas səbəbkarları heç də özləri deyil. Buna digər rəqiblər qeyri-sabitliyi ilə daha çox yol açıb.
Turnir cədvəlinə əsasən, "Sumqayıt" və "Zirə"nin medallara yaxınlaşma şansları daha yüksəkdir. Kubokda yarımfinala çıxmış kollektivlər üçün prioritet vəzifələr aydındır: oyunçu potensialını gücləndirməklə ümumi baxışları tənzimləmək. "Sumqayıt" ümumən son illərdə formalaşmış kursunu bir qədər korrektə etməlidir. Ümumi prinsiplərdə transferlər daha əsaslı və məqsədyönlü olmalıdır. Çünki Avropa arenasına çıxmaqla yanaşı, orada uğur üçün təməl qoyulmasa, milli çempionatda yüksək vəzifələrdən bəhs etmək mümkün deyil. Bu məsələ həm də klubda inkişafın yeni mərhələsinin başlanğıcını qoya bilər. Mövcud heyət bunun üçün yetərli olmayacaq.
"Zirə" köklü və təsirli qərarlarının müvəqqətliliyinə nəzər salmalıdır. Təkcə vəsaitin xərclənməsi və sabit heyət quruculuğu deyil, işə konseptual yanaşmanın zamanı yetişib. Bu olmadan qərarlar elə builki məşqçi dəyişiklikləri kimi dəyişkənliyi və nəticədə, qeyri-sabitliyi xarakterik problemə çevirəcək.
Son pillələrdə qərarlaşmış üç klubdan daha çox "Sabah"ın yüksəliş ümidi əsaslı görünür. Onun ortabab güclülərdən olmaq üçün oyunçu potensialı var, amma bu iddialı olmağa kifayət etmir. Bəlkə ötənilki temp daha peşəkarcasına yönləndirilsəydi, effekti görünərdi. Qeyri-sabitliyin ləngərə çevrilməsinin başlanğıcı infrastruktur problemləri ilə bağlıdır. Komandanın ümumi kursunu yönləndirə biləcək kadr potensialı çatışmır. Bu mövsüm üçün əsas məqsədlər hələ indi yeni sükançı ilə ortaya qoyulmalıdır. Qış fasiləsində komandanın simasının müəyyən edilməsinə cəhd göstərilməlidir.
"Səbail"in vəzifələrinin aydınlaşması artıq klubun idarəedici strukturundan asılı olacaq. Bu mənada qərarlar daha çox kollektivin məqsəd və vəzifələrinin müəyyən olunmasından başlamalıdır. İstənilən halda möövcud sonuncu pillə reallığın aynasıdır. Qazanılan xallar isə əksinə, mümkün təpərin olmasını, lakin yaşananların da izsiz ötüşməyəcəyinə işarədir. Nəyisə dəyişmək üçün qəfil oyanış lazımdır. Bunun reallığı hələlik şübhə doğurur.
BATI YAR
|
|
| |
|
Xəbər 1052 dəfə oxundu
|
Müəllifin son yazıları
|
|
|
|
|
|
