17 yaşadək futbolçular arasında Bakıda keçiriləcək üçüncü “Caspian Cup” beynəlxalq turnirində yığmamızın rəqiblərindən olan ABŞ millisinin heyəti açıqlanıb.
Amerikalılar ölkəmizə əsasən U-16 yığması ilə gələcəklər. Belə ki, heyətdə cəmi 5 U-17 futbolçusuna dəvət göndərilmişdir. U-16-nın baş məşqçisi Brayan Skeylz 24 futbolçuya ilkin olaraq dəvət göndərmişdir. Ancaq Bakıya bu futbolçulardan 18-i gətiriləcək.
Heyətdə qapıçılar - Austin Aviza (“Nyu-İnqlend Revolyuşn”), Castin Vom Stiq (“Real So Kal”), müdafiəçilər - Qilyermo Bermudes (“San Dieqo Serf”), Deyvid Çaves (“Yuventus Sport Klab”), Henri Martin (“Nyu-York Red Bullz”), İvan Martines (“Atletiko Santa-Roza”), Pablo Pelaes (“Albion”), Kventin Pirson (“Kolorado Rapidz”), Aleks Ramos (“Los-Anceles Qelaksi”), Şon Uilson (PDA), yarımmüdafiəçilər - Said Haci (“Klassiks”), Bruks Lennon, Sebastian Sausedo (hər ikisi “Real Solt-Leyk”), Kameron Lindli (“İndiana Yunayted Fayr”), Kosti Moni (“Kryu Volvz”), Abuçi Obinva (“Çikaqo Macik”), hücumçular - Koy Kraft (“Dallas”), Malkolm Dikson (“Nyu-York Red Bullz”), Kristian Lukatero (“Hyuston Dinamo”), Amirci Pineda (“Fallerton Reyncers”), Riqoberto Roxas (“Çikaqo Blast”), Xorxe Ruis, Alexandro Verqera (hər ikisi “Çivas ABŞ”) və DC Villeqas (Deyvis Leqasi) yer alıblar.
Qeyd edək ki, millimiz ABŞ-la iyunun 1-də qarşılaşacaq. Saat 21:00-da keçiriləcək görüş Bayıl stadionunda təşkil olunacaq. Nikolay Adamın başçılıq etdiyi komandamızın digər rəqibi isə Qırğızıstan millisidir.
|
