Avropa çempionatının elit-raund mərhələsinə hazırlaşan 19 yaşadək futbolçulardan ibarət Azərbaycan yığmasının fevralın 6-dan 9-dək Bakıda, ayın 10-dan 18-dək isə İspaniyanın Mursiya şəhərində təlim-məşq toplanışı olacaq. Hazırlıq prosesi çərçivəsində yığmamız fevralın 12-də İspaniyanın, 2 gün sonra “Ranero” klubunun və fevralın 17-də Şotlandiyanın müvafiq yaş qrupundan ibarət komandaları ilə yoldaşlıq oyunları keçirəcək.
Azsport.az saytı AFFA-ya istinadla xəbər verir ki, millimizin təlim-məşq toplanışında Nicat Mehbaliyev (“Qarabağ”), Nail Alışov (“Neftçi”), Əkbər Vəliyev (“Keşlə”), Elnur İbrahimov (“Spartak-2”, Rusiya), İbrahim Hüseynov (“Qarabağ”), Zahid Mərdanov (“Sabah”), Rauf Hüseynli (“Qarabağ”), Rüstəm Nuriyev, Vüsal Məsimov (hər ikisi “Qəbələ”), Zamiq Əliyev (“Qarabağ”), Şakir Seyidov (“Sabah”), İdris İnqilablı (“Qəbələ”), Turan Vəlizadə
(“Neftçi”), Maksim Bayramov (“Bielefeld”, Almaniya), Tural Bayramov, Elvin Cəfərquliyev
(hər ikisi “Qarabağ”), Murad Mahmudov (“FSV Frankfurt”, Almaniya), Kamran Quliyev
(“Jonova”, Litva), Musa Qurbanlı (“Qarabağ”) və Emil Qasımov (“Sabah”) iştirak edirlər.
Qeyd edək ki, Murad Mahmudov və Maksim Bayramov komandanın düşərgəsinə fevralın 10-da qoşulacaq.
|
