Bu elə bir qarşılaşma idi ki, mütləq qələbə qazanmalı idik. Çünki görüşdən 3 gün əvvəl klubumuzun baş meneceri Rizvan Gənciyevin 50 yaşı tamam olmuşdu. Biz də ona özümüzə məxsus şəkildə hədiyyə etmək istəyirdik. Rinqə çıxan boksçuların hamısı qələbə haqda düşünürdü. Sözümüzün üstündə durduq və 5:0 hesabı ilə qələbə qazandıq”. Talibov Ümumdünya Boks Seriyasında debüt edən Cavid Dadaşov haqda da münasibət bildirib: “Onun döyüşü xoşuma gəldi. Dayanmadan rəqibin üzərinə gedir, çox inadkar idmançıdır. Öz üzərində işləsə, yaxşı nəticələr əldə edə bilər. Əlimizdən gələni edəcəyik ki, Dadaşov Azərbaycan boksuna gələcəkdə çox xeyir versin. Abdulqadir Abdullayevə gəlincə isə, istəmirdik ki, onun döyüşü vaxtından əvvəl başa çatsın. Amma iş belə gətirdi. Qarşılaşma gərgin başladı, amma Abdullayev qısa vaxt ərzində məsələni həll etdi”.
|
