| Xəbərlər |
|
|
|
| Digər xəbərlər |
|
| Millətlər Liqası. C divizionu. “C” qrupu |
| N: |
Komandalar |
O |
Q |
H |
M |
T/F |
X |
| 1 |
Belçika |
6 |
5 |
1 |
0 |
16-3 |
16 |
| 2 |
Avstriya |
7 |
5 |
1 |
1 |
15-7 |
16 |
| 3 |
İsveçrə |
5 |
2 |
0 |
3 |
11-8 |
6 |
| 4 |
Azərbaycan |
6 |
1 |
1 |
4 |
4-12 |
4 |
| 5 |
Estoniya |
6 |
0 |
1 |
5 |
2-18 |
1 |
|
| Premyer Liqa. Turnir cədvəli |
| N: |
Komandalar |
O |
Q |
H |
M |
T/F |
X |
| 1 |
Qarabağ |
27 |
21 |
3 |
3 |
71-23 |
66 |
| 2 |
Sabah |
27 |
11 |
7 |
9 |
39-32 |
40 |
| 3 |
Neftçi |
27 |
11 |
7 |
9 |
34-29 |
40 |
| 4 |
Zirə |
27 |
10 |
9 |
8 |
21-18 |
39 |
| 5 |
Sumqayıt |
27 |
10 |
9 |
8 |
26-32 |
39 |
| 6 |
Səbail |
27 |
10 |
7 |
10 |
39-41 |
37 |
| 7 |
Turan Tovuz |
27 |
9 |
8 |
10 |
41-38 |
35 |
| 8 |
Araz-Naxçıvan |
27 |
8 |
8 |
11 |
27-36 |
32 |
| 9 |
Kəpəz |
27 |
7 |
6 |
14 |
29-47 |
27 |
| 10 |
Qəbələ |
27 |
4 |
4 |
19 |
20-51 |
16 |
|
|
|
| Bakı Avropa cüdo çempionatına ev sahibliyi edəcək |
|
|
Tarix: 24.02.2015 | Saat: 10:56:00 | E-mail | Çapa göndər
|
|
İlk Avropa Oyunlarının bir hissəsi olaraq Avropa Cüdo Birliyi və Bakı Avropa Oyunları Əməliyyat Komitəsi 25-28 iyun tarixlərdə Bakıda 2015 Avropa Cüdo Çempionatının keçirilməsi haqqında razılığa gəliblər
21 fevral 2015:
Avropa Olimpiya Komitələri (AOK), Avropa Cüdo Birliyi (ACB) və Bakı 2015 Avropa Oyunları Əməliyyat Komitəsi (BAOƏK) bu il 12-28 iyun tarixlərdə Azərbaycanın paytaxtı Bakı şəhərində keçiriləcək İlk Avropa Oyunları çərçivəsində, 2015 Avropa Cüdo Çempionatının da ölkəmizdə baş tutacağını məmnunluqla elan ediblər.
Qeyd edək ki, ilkin olaraq 2015 Avropa Cüdo Çempionatının 9-12 aprel tarixlərdə İngiltərənin Qlazqo şəhərində keçirilməsi planlaşdırılmışdı. Lakin, Britaniya Cüdo Assosiasiyası ilə müəyyən problemlərin həll olunmamasının nəticəsi olaraq, ACB-nin İcraedici Komitəsi Bakı şəhərinin Avropa Ayunlarına ev sahibliyi etməsi çərçivəsində, 2015 Avropa Cüdo Çempionatının da keçirilməsi üçün ən müvafiq şəhər olduğunu bildirmişdir.
Bu qərarın nəticəsi olaraq qitənin ən yaxşı cüdoçuları Bakı 2015-Avropa Oyunlarının Çempionu adınıı qazanmaq uğrunda mübarizə şansını əldə edəcəklər .
Əlavə olaraq bildirək ki, Bakı 2015-in proqramında nəzərdə tutulan 16 Olimpiya idman növündən 12-i Rio 2016 Yay Olimpiya Oyunlarına vəsiqə qazanmaq imkanı verir. Bakı 2015-in proqramına cəmi 20 idman növü daxil edilmişdir ki, onlardan 16-ı Olimpiya idman növü üzrədir.
AOK-un Prezidenti Patrik Hikki:
“2015 Avropa Cüdo Çempionatının, Bakıda keçirilməsi Avropa Oyunlarına hazırlıqların son mərhələsinə başladığımız bir zamanda, möhtəşəm xəbərdir. AOK daima Avropa Çempionatının Avropa Oyunlarının bir hissəsi olması barədə düşünüb və bu razılığın əldə olunması bizim məqsədimizin gözlədiyimizdən də tez gerçəkləşdiyinin göstəricisi oldu. Mən digər idman növlərinin də gələcəkdə keçiriləcək Avropa Oyunlarında bu səpkili razılaşmaların əldə edilməsini ənənəyə çevirəcəklərinə və tədbirin Olimpiya Oyunları üçün kvalifikasiyanı təmin edən əsas yarışlardan biri olacağına əminəm.
Mən Avropanın ən yaxşı cüdoçuları ilə bərabər, eyni zamanda dünyanın hər bir yerindən çempionata təşrif buyuracaq cüdo azarkeşlərini də Bakıda salamlayacağımıza ümid edirəm. Möhtəşəm idman tədbiri möhtəşəm idmanla başlayır və bu cür də sona çatır. Avropa Cüdo Çempionatının Bakı 2015 Avropa
Oyunlarına daxil edilməsi yarışların yüksək səviyyədə nümayiş olunacağına təminat verir”.
ACB-nin Prezidenti Serqey Soloveyçik:
“Biz, Avropa Cüdo Çempionatı kimi önəmli bir yarışın bu il Bakıda keçirilməsindən məmnunluq hissi duyuruq. Tədbirin ev sahibliyinin Qlazqoya verilməsi ləğv edildikdən sonra, məqsədimiz mümkün qədər tez bir zamanda yeni şəhərin tapmılması idi. İyun ayında ilk Avropa oyunlarına ev sahibliyi edəcək Bakı şəhəri dünya səviyyəli idmançıların yüksək səviyyədə çıxış etmələrini təmin edəcək, professional standartlara cavab verən cüdo arenasına və yardımçı vasitələrə malikdir.
Avropalı idmançılar üçün ən yaxşı seçim etməmizdən və gerçəkləşəcək çempionat üçün ən münasib şəraitin burada olacağından əminəm. Qeyd edək ki, Qlazqo şəhərinin “Emirates” Arenasına artıq bilet alan cüdo azarkeşləri, Bakıdakının cüdo arenasına pulsuz bilet əldə etmək imkanı qazanacaqlar”.
Eyni zamanda, cənab Soloveyçik AOK-un Prezidenti cənab Patrik Hikkiyə və BCF-nın Prezidenti cənab Marius Vizerə göstərdikləri dəstəyə görə təşəkkürünü bildirib: “Onlar cüdoçu olaraq ACB ilə həmrəyliklərini və cüdo ruhuna sadiq olduqlarını nümayiş etdirdilər. Avropanın ən yaxşı cüdoçularının Bakı 2015-də iştirak edəcəyinə və Azərbaycanda yüksək səviyyədə qarşılanacaqlarına əminəm. Yarışlar zamanı onların cüdo azarkeşləri tərəfindən ən yaxşı dəstək görəcəklərinə isə şübhəm yoxdur”.
Azərbaycan Respublikasının gənclər və idman naziri, və Bakı 2015 Avropa Oyunlarının baş icraçı direktoru Azad Rəhimov:
“Biz 2015 Avropa Cüdo Çempionatının Bakıda keçirilməsi təklifinə və bu yarışın Avropa Oyunlarına daxil edilməsi xəbərinə sevinir və bu şansı əldə etdiyimiz üçün çox məmnun olduğumuzu bilidirirk. Bu qərarın əsas önəmi Avropa oyunlarının 16 Olimpiya idman növündən 12-i üzrə Rio 2016 Olimpiya Oyunlarına birbaşa və bilavasitə kvalifikasiya imkanlarını təqdim etməsi və nəticədə Avropa Oyunlarınının daha da mötəbər tədbirə çevrilməsinə imkan yaratmasıdır “.
Qeyd edək ki, Bakı 2015-in cüdo yarışları 25-28 iyun tarixlərdə yeni təmir olunmuş və 7800 tamaşaçı tutumuna malik Heydər Əliyev Arenasında baş tutacaq.
|
|
| |
|
Xəbər 849 dəfə oxundu
|
| Bölməyə aid digər xəbərlər |
| |
|
|
|
|
|
