“Bakı” əks-hücumlarda oynamaq üzrə Azərbaycanın ən yaxşı komandasıdır. Bunu bilsək də, təəssüf ki, rəqibin belə həmlələrini buraxdıq”. İdman.com.az saytının məlumatına görə, bu sözləri “Xəzər Lənkəran”ın baş məşqçisi Karles Bakes deyib. İspaniyalı mütəxəssis Topaz Premyer Liqasının VI turundan təxirə salınan “Bakı” ilə oyun haqda fikirlərini açıqlayıb: “Qapımızda ani hücumdan sonra qol gördük. Hər oyunda 10-a yaxın qol imkanı yaradıb, bunlardan istifadə edə bilmirik. Rəqiblərimiz isə heç 100 faizlik qol vəziyyəti yaratmadan qapımıza yol tapırlar. Bunun üzərində çalışmalıyıq. Bu gün oyunumuzu cinah hücumları üzərində qurmuşduq. Təəssüf ki, qolu çox gec vurduq. İndi qarşıda “Simurq”la çətin görüş var. Artıq bu qarşılaşmanı düşünməliyik”.
Qeyd edək ki, “Xəzər Lənkəran” – “Bakı” oyunu 1:1 hesabı ilə başa çatıb.
Xəbər 1142 dəfə oxundu.