Azərbaycanın daha üç cüdoçusu Qran-pridə mübarizəyə qoşulur

Portuqaliyanın Odivelaş şəhərində keçirilən cüdo üzrə Qran-pri turnirinə bu gün yekun vurulacaq. Yarışın sonuncu günündə Azərbaycanın daha üç cüdoçusu tatamiyə çıxacaq. Elcan Hacıyev (90 kiloqram) avstriyalı Adam Borçaşvilli, Vüqar Talıbov (90 kiloqram) misirli Ali Hazemlə qarşılaşacaq. Uşangi Kokauri (+100 kiloqram) isə türkiyəli Munir Ertuqla üz-üzə gələcək. Qeyd edək ki, Qran-pri turnirində indiyədək Yaşar Nəcəfov (66 kiloqram) gümüş, Turan Bayramov (60 kiloqram), Kamran Süleymanov (66 kiloqram) və Səid Mollayi (81 kiloqram) bürünc medal qazanıblar.

Xəbər 155 dəfə oxundu.