Çempionlar Liqası: “Milan” PSJ-yə qarşı, üç komanda 1/8 finala vəsiqəni təmin edə bilər

Bu gün UEFA Çempionlar Liqasında qrup mərhələsində IV tura start veriləcək. İlk oyun günündə səkkiz qarşılaşma keçiriləcək. E qrupunda “Atletiko” İspaniyada Şotlandiya “Seltik”ini, “Latsio” İtaliyada Niderland “Feyenoord”unu sınağa çəkəcək. F qrupunda İngiltərə “Nyukasl”ı Almaniyada Dortmund “Borussiya”sının, Fransa PSJ-si isə İtaliyada “Milan”ın qonağı olacaq. G qrupunda İngiltərənin “Mançester Siti” komandası evdə İsveçrə “Yanq Boyz”u ilə, Almaniya “Leyptsiq”I isə Serbiyada “Srvena Zvezda” ilə münasibətlərinə aydınlıq gətirəcək. “Böyük beşlik” təmsilçiləri qalib gələcəkləri halda, 1/8 final mərhələsinə vəsiqəni vaxtından əvvəl təmin edəcəklər. H qrupunda isə İspaniya “Barselona”sı pley-offda iştirakını erkən rəsmiləşdirə bilər. Bunun üçün kataloniyalılar Ukraynanın “Şaxtyor” (Donetsk) komandasını məğlub etməlidir. Çempionlar Liqası Qrup mərhələsi, IV tur 7 noyabr E qrupu 00:00. “Atletiko” (İspaniya) – “Seltik” (Şotlandiya) 00:00. “Latsio” (İtaliya) – “Feyenoord” (Niderland) Xal durumu: “Feyenoord” – 6, “Atletiko” – 5, “Latsio” – 4, “Seltik” - 1. F qrupu 21:45. “Borussiya” (Dortmund, Almaniya) – “Nyukasl” (İngiltərə) 00:00. “Milan” (İtaliya) – PSJ (Fransa) Xal durumu: PSJ – 6, “Borussiya” – 4, “Nyukasl” – 4, “Milan” - 2. G qrupu 00:00. “Mançester Siti” (İngiltərə) – “Yanq Boyz” (İsveçrə) 00:00. “Srvena Zvezda” (Serbiya) – “Leyptsiq” (Almaniya) Xal durumu: “Mançester Siti” – 9, “Leyptsiq” – 6, “Yanq Boyz” – 1, “Srvena Zvezda” - 1. H qrupu 21:45. “Şaxtyor” (Donetsk, Ukrayna) – “Barselona” (İspaniya) 00:00. “Portu” (Portuqaliya) – “Antverpen” (Belçika) Xal durumu: “Barselona” – 9, “Portu” – 6, “Şaxtyor” – 3, “Antverpen” - 0. Qeyd edək ki, A, B, C və D qruplarının oyunları noyabrın 8-də keçiriləcək.

Xəbər 191 dəfə oxundu.