Rafael Fiziyev: Kəməri qazanmaq üçün hamını məğlub etmək istəyirəm

Kəməri qazanmaq üçün hamını məğlub etmək istəyirəm. Məhz buna görə buradayam, inkişaf edirəm və hazırlaşıram. Bu sözləri Azərbaycanın yüngül çəkidə UFC döyüşçüsü Rafael Fiziyev sentyabrın 23-də ABŞ-ın Las-Veqas şəhərində “Fight Night” turnirində polşalı Mateuş Qamrota qarşı keçirəcəyi görüş barədə danışarkən deyib. 30 yaşlı idmançı M. Qamrotla döyüşə ciddi hazırlaşdığını bildirib: “Döyüş mənim həyatımdır. Hər zaman məşq edin və döyüşün. Bu, mənim həyatda sahib olduğum ən əsas şeydir”. Polşa təmsilçisi da qarşıdakı döyüşlə bağlı iddialı danışıb: "Qələbələrə ehtiyacım var. Mən idmançıyam, döyüşməyi, adrenalini, UFC-ni sevirəm. Bu yarışda yeniyəm və zirvəyə yüksəlmək istəyirəm”. Qeyd edək ki, Rafael Fiziyev və Mateuş Qamrot sentyabrın 23-də gecənin əsas döyüşündə üz-üzə gələcək. R. Fiziyev sonuncu dəfə ABŞ təmsilçisi Castin Geyciyə uduzub.

Xəbər 102 dəfə oxundu.