| Cüdoçularımız Özbəkistanda beynəlxalq təlim-məşq toplanışında iştirak edirlər | |
|
Azərbaycan cüdoçuları avqustun 28-dən Özbəkistanın paytaxtı Daşkənd şəhərində beynəlxalq təlim-məşq toplanışında iştirak edirlər. Federasiyadan verilən məlumata görə, Avropa Cüdo Birliyinin təşkilatçılığı ilə baş tutan və sentyabrın 7-dək davam edəcək hazırlıq prosesinə Azərbaycan, Özbəkistan, Qazaxıstan, Türkmənistan, Tacikistan, Qırğızıstan, Türkiyə, Finlandiya, Yunanıstan, Moldova, Küveyt, Tanzaniya və İsraildən 400-ə yaxın idmançı qatılıb. Təlim-məşq toplanışında Azərbaycanın cüdo üzrə böyüklərdən ibarət milli komandasının 27 üzvü iştirak edir. İdmançılara Azərbaycan Cüdo Federasiyasının vitse-prezidenti Elnur Məmmədli başda olmaqla, yığmanın baş məşqçisi Riçard Trautman, böyük məşqçilər Mehman Əzizov və Slavko Tekiç rəhbərlik edir. Hazırlıq prosesi 22-24 sentyabrda Bakıda keçiriləcək Böyük Dəbilqə turnirinə və Fransanın Monpelye şəhərində təşkil olunacaq Avropa çempionatına hazırlıq məqsədi daşıyır. |
|
|
Xəbər 115 dəfə oxundu. |
|
|
|