Cüdoçularımız nüfuzlu yarışlara Özbəkistan yığması ilə birlikdə hazırlaşır | |
Özbəkistanın gənc cüdoçulardan ibarət milli komandası Bakıda təlim-məşq toplanışına qatılıb. Azərbaycan Cüdo Federasiyasından verilən məlumata görə, böyüklər və gənclərdən ibarət yığmamızla birlikdə təşkil olunmuş hazırlıq prosesində 100-ə yaxın idmançı iştirak edir. Avqustun 19-da start götürən toplanışa bu gün yekun vurulacaq. Təlim-məşq prosesi 7-10 sentyabrda Niderlandın Haaqa şəhərində gənclər arasında keçiriləcək Avropa çempionatına, 4-8 oktyabrda Portuqaliyanın Odivellas şəhərində gənclər arasında təşkil olunacaq dünya çempionatına, 22-24 sentyabrda Bakıda baş tutacaq Böyük Dəbilqə turnirinə və Fransanın Monpelye şəhərində böyüklər arasında olacaq Avropa çempionatına hazırlıq məqsədi daşıyır. |
|
Xəbər 94 dəfə oxundu. |
|
|