“Mançester Siti” Avropa Superkubokunun qalibi olub

İngiltərənin “Mançester Siti” və İspaniyanın “Sevilya” klubları arasında UEFA Superkuboku uğrunda oyun yekunlaşıb. Komandalar Yunanıstanın Pirey şəhərindəki Georgios Karaiçkakis stadionunda üz-üzə gəliblər. Oyunu baş hakim Fransua Leteksyenin (Fransa) rəhbərlik etdiyi hakimlər briqadası idarə edib. Matçın 25-ci dəqiqəsində “Sevilya”nın hücumçusu Yussef En-Nesiri Markos Akunyanın ötürməsi ilə hesabı açıb. 63-cü dəqiqədə “Mançester Siti”nin yarımmüdafiəçisi Koul Palmer Rodrinin dəqiq ötürməsi ilə hesabı bərabərləşdirib. Matçın qalan vaxtında komandaların hər birinin qol vurub önə keçmək şansı olsa da, buna nail ola bilməyib. Görüş penaltilər seriyasına keçib. Penaltilər seriyasında isə “şəhərlilər” daha dəqiq olublar. Belə ki, həlledici penaltini Qudel reallaşdıra bilməyib.

Xəbər 157 dəfə oxundu.