“Qəbələ” klubu fransalı futbolçu ilə müqavilə imzalayıb

Yeni mövsümün hazırlığını davam etdirən “Qəbələ” klubu heyətinə daha bir futbolçu qatıb. “qırmızı-qaralar” Bilel Auaşeriyanın keçidini gerçəkləşdirib. İyirmi doqquz yaşlı fransalı hücumçu ilə iki illik müqavilə imzalanıb. “Sent Etyen” klubunun yetirməsi olan Bilel vinger kimi də çıxış edir. O, son iki mövsümdə “Jil Visente”də forma geyinib. Futbolçu karyerası ərzində “Sent Etyen”, Portuqaliyada “Kovilya”, “Moreyrense”, “Farense”nin də şərəfini qoruyub.

Xəbər 107 dəfə oxundu.