“Srvena Zvezda” klubu “Neftçi”nin iştirak etdiyi turnirin qalibi olub | |
Bakının “Neftçi” futbol klubunun Rusiyada iştirak etdiyi beynəlxalq turnirdə “Srvena Zvezda” qalib gəlib. Serbiya təmsilçisi turnir çərçivəsində növbəti oyununda Türkiyənin "Fənərbağça" klubu ilə qarşılaşıb. Sankt-Peterburqdakı "Smena" stadionunda keçirilən oyunda “Srvena Zvezda” 3:1 hesabı ilə qalib gəlib. Serbiya klubu turnirdə ardıcıl üç qələbə qazanaraq çempionluğu təmin edib. Komanda daha əvvəl “Zenit” (Sankt-Peterburq, 2:1) və “Neftçi” (4:0) komandalarından üstün olub. “Srvena Zvezda” 3 oyundan 9 xal toplayıb. Qeyd edək ki, “Neftçi” klubu turnirdə son oyununu iyulun 15-də “Fənərbağça”ya qarşı keçirəcək. |
|
Xəbər 101 dəfə oxundu. |
|
|