Həndbolçularımız Avropa çempionatına Tbilisidə hazırlaşırlar

Həndbol üzrə yığma komandamız Avropa çempionatına hazırlığı davam etdirir. Avqustun 5-dən 13-dək Bakıda keçiriləcək yarışa hazırlaşan on yeddi yaşadək qızlardan ibarət yığmamız Tbilisidə təlim-məşq toplanışında iştirak edir. On beş həndbolçunun qatıldığı hazırlıq prosesinə baş məşqçi Sergey Kambur və köməkçisi Sakinat Abbasova rəhbərlik edirlər. Yığma komandamızın təlim-məşq toplanışı iyulun 9-dək davam edəcək. Qeyd edək ki, milimiz A qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq. B qrupunda isə İspaniya, İsrail, Yunanıstan, Lüksemburq və Farer adaları komandaları mübarizə aparacaqlar.

Xəbər 151 dəfə oxundu.