Qadın güləşçilərimiz Belmeken və Göygöldə hazırlıq keçirlər | |
Güləş üzrə Azərbaycan milli komandaları qarşıdakı məsul yarışlara hazırlığı davam etdirirlər. Qadınlardan ibarət yığmanın üzvləri 2 fərqli məkanda məşq keçirlər. Komandanın bir neçə üzvü baş məşqçi Semyon Şterevin rəhbərliyi altında Bolqarıstanın Belmeken şəhərində təlim-məşq toplanışındadır. İyulun 5-də start götürən hazırlıq prosesi 20 gün davam edəcək. Qadın güləşçilər daha sonra “Poland Open” turnirində iştirak etmək üçün Varşavaya yollanacaqlar. Əsas millinin digər, o cümlədən, U-20 və U-17-nin üzvləri böyük məşqçi Toğrul Əsgərov, məşqçilər Rövşən Umudov, Ağahüseyn Mustafayev və Solmaz Adilovanın rəhbərliyi altında Göygöldə toplanış keçirlər. İyulun 2-də fiziki hazırlığın yüksəldilməsi məqsədilə start verilən hazırlıq prosesi iki həftə davam edəcək. |
|
Xəbər 121 dəfə oxundu. |
|
|