Boksçumuz Zeynəb Rəhimova Avropa Oyunlarında mübarizəni dayandırıb | |
Azərbaycan boksçusu Zeynəb Rəhimova Polşada keçirilən III Avropa Oyunlarında ilk döyüşünü keçirib. 54 kiloqram çəki dərəcəsində mübarizə aparan idmançımız 1/16 final çərçivəsində Lenuta Periyoçlə (Rumıniya) üz-üzə gəlib. Döyüş rəqibin qələbəsi ilə yekunlaşıb. Təmsilçimiz yarışla erkən vidalaşıb. Qeyd edək ki, axşam seansında daha 2 boksçumuz mübarizəyə qoşulacaq. Murad Allahverdiyev Kevin Şumannla (Almaniya), Alfonso Dominqes (92 kq) Yan Zakla (İsrail) münasibətinə aydınlıq gətirəcək. İyulun 2-dək davam edəcək III Avropa Oyunlarında 48 ölkədən 7 minə yaxın idmançı mübarizə aparacaq. İdmançılar 29 növ üzrə 253 dəst medalın sahibini müəyyənləşdirəcək. Azərbaycan Krakov-2023-də 13 növ üzrə 86 idmançı ilə təmsil olunur. Tarixdə ilk Avropa Oyunları 2015-ci ildə Bakıda, ikinci multiidman tədbiri 2019-cu ildə Minskdə baş tutub. Azərbaycan millisi bu yarışlarda 84 medal qazanıb. İdmançılarımız 26 qızıl, 25 gümüş və 33 bürünc mükafat əldə edib. Komandamız medal sıralamasında “Bakı-2015”də 2-ci, “Minsk-2019”da 10-cu yeri tutub. |
|
Xəbər 133 dəfə oxundu. |
|
|