Klublara lisenziyalar təqdim olunub

Mayın 31-də AFFA-nın inzibati binasında 2023-2024-cü illər lisenziyalaşdırma mövsümündə UEFA-nın klub yarışlarında və Azərbaycan Premyer Liqasında iştirak etmək üçün lisenziya əldə etmiş futbol klublarının nümayəndələri ilə görüş olub. Təltifetmə mərasimində iştirakçılara mövsümün yekunları və növbəti mövsüm üçün lisenziyalaşdırma qaydalarında gözlənilən dəyişikliklər barədə məlumat verilib. Cari mövsümdə lisenziya menecerləri üçün təşkil olunmuş imtahandan müvəfəqqiyyətlə keçmiş klub əməkdaşlarına sertifikatlar təqdim edilib. Tədbirin sonunda isə növbəti mövsümdə çıxış etmək üçün lisenziya əldə etmiş klublar müvafiq lisenziyalarla təltif olunub.

Xəbər 126 dəfə oxundu.