Leonardo Bonuççi “Yuventus”un heyətində yubiley oyununu keçirib

UEFA Avropa Liqasının yarımfinal mərhələsində “Sevilya” ilə oyun “Yuventus”un kapitanı Leonardo Bonuççi üçün əlamətdar olub. Ulduz futbolçu 1:1 hesabı ilə başa çatan qarşılaşmada yubiley oyununu keçirib. Belə ki, o, Turin təmsilçisinin heyətində 500-cü matçını keçirib. Bununla əlaqədar olaraq ona 500 rəqəmi olan simvolik forma hədiyyə edilib. Müdafiəçi bu qarşılaşmalarda 37 qol vurub, 10 məhsuldar ötürmə edib. O, 8 dəfə ölkə çempionu olub, 3 dəfə İtaliya Kubokunu, 5 dəfə Superkubokunu qazanıb. Qeyd edək ki, Leonardo Bonuççi 2010-cu ildən “Yuventus”un formasını geyinir.

Xəbər 122 dəfə oxundu.