| Voleybol üzrə Azərbaycan çempionatı: “Murov” komandası turnir cədvəlində liderliyini möhkəmləndirib | |
|
Bu gün kişi voleybolçular arasında Azərbaycan Yüksək Liqasında VI turdan təxirə salınan “Xarı bülbül” - “Murov” oyunu keçirilib. Azərbaycan Voleybol Mərkəzində təşkil olunan qarşılaşma “Murov” komandasının üstünlüyü ilə başlayıb. İlk hissədə 25:18 hesabı ilə qalib gələn Fərid Cəlalovun komandası sonrakı setləri də aktivinə yazıb - 25:18, 25:23. Beləliklə, bu matçdan sonra “Murov” xallarının sayını 26-ya çatdırıb və turnir cədvəlində liderliyini daha da möhkəmləndirib. 12 xala malik “Xarı bülbül” və “Neftçi” komandaları müvafiq olaraq ikinci və üçüncü yerlərdə qərarlaşıb. MOİK isə bir xalla sonuncudur. |
|
|
Xəbər 171 dəfə oxundu. |
|
|
|