Bu gün üç güləşçimiz “Zaqreb Open” turnirində döşək üzərinə çıxacaq
Bu gün Azərbaycanın daha üç güləşçisi Xorvatiyada keçirilən “Zaqreb Open” turnirində mübarizəyə başlayacaq.

Yunan-Roma güləşçilərimizdən Taleh Məmmədov (63 kq) dörddəbir final mərhələsində Jakopo Sandron (İtaliya) - Şermuhammad Şaribjanov (Özbəkistan) cütünün qalibi ilə üz-üzə gələcək. Həsrət Cəfərov (67 kq) səkkizdəbir finalda Luis Alberto Sançes (Kuba) - Sinq Karanjit (Hindistan) duelinin güclüsü ilə görüşəcək.

Qadın güləşçilərin yarışında 53 kiloqram çəki dərəcəsində çıxış edəcək Elnurə Məmmədova Li Denqlə (Çin) münasibətlərə aydınlıq gətirəcək.

Qeyd edək ki, daha əvvəl sərbəst güləşçilərdən Əliabbas Rzazadə (57 kq) qızıl, Hacı Əliyev (70 kq) və Georgi Meşvildişvili (125 kq) gümüş, Cəbrayıl Qadjiyev (74 kq), Əli Rəhimzadə (65 kq), Xadjimurad Qadjiyev (70 kq), Osman Nurmaqomedov (92 kq), Maqomedxan Maqomedov (97 kq) bürünc medal əldə ediblər. Qadınlardan isə Alyona Kolesnik (59 kq) bürünc medala sahib çıxıb.

Xəbər 179 dəfə oxundu.