“Red Bull”un pilotu Maks Ferstappenə növbəti etimad
Maks Ferstappen mövsümün ən yaxşı pilotu ilə bağlı keçirilən növbəti sorğuda birinci olub.

Son iki dünya çempionatının qalibi olan “Red Bull” sürücüsünə bu dəfə Formula 1 komandalarının rəhbərləri etimad göstəriblər.

Niderlandlı pilot bu günlərdə keçirilən sorğuda 207 xal toplayıb. Ondan 73 xal az geri qalan “Ferrari”nin üzvü Şarl Lekrler ikinci yeri tutub. “Mercedes”i təmsil edən Corc Rassell isə 127 xalla üçüncü yerə sahib çıxıb.

Səsvermədə dünya çempionlarından Luis Hamilton dördüncü, Fernando Alonso səkkizinci, Sebastyan Fettel isə onuncu olublar.

Xəbər 238 dəfə oxundu.