Qonsalu Ramuş - mundiallar tarixində het-trik edən ən gənc futbolçu

Portuqaliya millisi Qətərdə keçirilən futbol üzrə dünya çempionatının pley-off mərhələsində İsveçrəni 6:1 hesabı ilə məğlub edərək üçüncü dəfə mundialın dörddəbir final mərhələsinə yüksəlib. Yığma komanda 1966-cı və 2006-cı illərdəki uğurunu təkrarlayıb. Portuqaliya seçməsi tarixində ilk dəfə pley-off matçında 6 qol vurulub. Matçda het-trik edən portuqaliyalı Qonsalu Ramuş isə ilkə imza atıb. Belə ki, hücumçu mundiallar tarixində het-trik edən ən gənc futbolçu olub. O bu uğura 20 yaş 261 günlüyündə nail olub. Əvvəlki rekord macar Florian Albertə məxsus idi. Qeyd edək ki, dünya çempionatının dörddəbir final mərhələsində Niderland millisi Argentina, İngiltərə yığması Fransa, Xorvatiya seçməsi Braziliya, Mərakeş isə Portuqaliya ilə qarşılaşacaq.

Xəbər 181 dəfə oxundu.