Millimizin boksçuları Azərbaycan çempionatına qələbə ilə başlayıblar

Bu gün kişi boksçular arasında Azərbaycan çempionatına start verilib. 38 komandanın 146 idmançısının qatıldığı yarışın ilk günündə 17 döyüş keçirilib. Yarışın birinci günündə 54, 71, 75 və 80 kiloqram çəki dərəcələrində ilkin qarşılaşmalar olub və növbəti mərhələyə vəsiqə qazanan idmançıların adlarına aydınlıq gəlib. Yığmamızın üzvlərindən Ruslan Qədirov, Sərxan Əliyev və Murad Allahverdiyev ilk döyüşündə qələbə qazanıblar. Həmçinin Niyaməddin Allahverdiyev və Kamran Şahsuvarlı da rəqiblərini məğlub ediblər. Qeyd edək ki, ölkə çempionatına oktyabrın 25-də yekun vurulacaq. Boks Mərkəzində keçirilən yarışın ikinci gününün döyüşləri saat 14:00-da başlayacaq.

Xəbər 238 dəfə oxundu.