Azərbaycanın daha iki qadın güləşçisi dünya çempionatında mübarizəyə başlayır

Azərbaycanın daha iki qadın güləşçisi bu gün Serbiyanın paytaxtı Belqraddakı dünya çempionatında mübarizəyə başlayır. Cempionatda 53 kiloqram çəki dərəcəsində çıxış edən Leyla Qurbanova səkkizdəbir final mərhələsində Yuliya Leorda (Moldova) ilə üz-üzə gələcək. Millimizin üzvü Elis Manolova (65 kq) dörddəbir finalda Aslı Demir (Türkiyə) / Jia Lonq (Çin) cütünün qalibi ilə görüşəcək. Bu gün, həmçinin üç güləşçimiz təsəlliverici görüşə qatılacaq. Yunan-Roma güləşçilərindən Murad Məmmədov (60 kq) Yustias Petraviçyus (Litva) - Ahmed Mahmud (Misir) duelinin güclüsü ilə, Sabah Şəriəti (130 kq) Alimxan Sidikovla (Qazaxıstan), qadın güləşçilərimizdən Tatyana Omelçenko (62 kq) Xiaojuan Luo (Çin) ilə üz-üzə gələcək. Qeyd edək ki, daha əvvəl 5 yunan-Roma güləşçimiz medal qazanıb. Eldəniz Əzizli (55 kq) qızıl, Ülvi Qənizadə (72 kq) gümüş, Taleh Məmmədov (63 kq), Həsrət Cəfərov (67 kq) və Arif Niftullayev (97 kq) bürünc medala sahib çıxıblar.

Xəbər 258 dəfə oxundu.