Bu gün UEFA Çempionlar Liqasının pley-off mərhələsi başlayır

Bu gün UEFA Çempionlar Liqasının pley-off mərhələsi start götürəcək. Pley-off turunun ilk matçları avqustun 16-17-də, cavab qarşılaşmaları isə avqustun 23-24-də oynanılacaq. Ağdamın “Qarabağ” klubu avqustun 17-də Bakıda Çexiyanın "Viktoriya" (Plzen) komandasını qəbul edəcək. Bu turu adlayan komandalar mübarizəni UEFA Çempionlar Liqasının qrup mərhələsində davam etdirəcək. Məğlubiyyətə uğrayan klublar isə UEFA Avropa Liqasının qrup oyunlarına qatılacaq. Pley-off mərhələsinin ilk matçlarının proqramını təqdim edirik: 16 avqust 23.00 Bodo/Glimt (Norveç) - Dinamo Zaqreb (Xorvatiya) 23.00 Kopenhagen (Danimarka) - Trabzonspor (Türkiyə) 23.00 Reyncers (Şotlandiya) - PSV (Niderland) 17 avqust 20.45 Qarabağ (Azərbaycan) - Viktoriya Plzen (Çexiya) 23.00 Makkabi Hayfa (İsrail) – Srvena zvezda (Serbiya) 23.00 Dinamo Kiyev (Ukrayna) - Benfika (Portuqaliya)

Xəbər 227 dəfə oxundu.