V İslamiada: Bəhreyn komandası 400 metr məsafəyə qarışıq estafet yarışlarında qalib olub | |
Türkiyənin Konya şəhərində təşkil olunan V İslam Həmrəyliyi Oyunlarında 400 metr məsafəyə qarışıq estafet yarışlarında qalib müəyyənləşib. Məsafəni 3 dəqiqə 20 saniyəyə qət edən Bəhreyn komandası V İslamiadanın qalibi olub. Mərakeş millisi yarışı ikinci, Türkiyə komandası isə üçüncü pillədə başa vurublar. Qeyd edək ki, Azərbaycan təmsilçiləri İslamiadada 24 idman növündən 22-sində iştirak edir. Oyunlar vaxtı 483 dəst medal öz sahibini tapacaq. Beşinci İslam Həmrəyliyi Oyunları 2021-ci ilin sentyabrında keçirilməli idi. Daha sonra pandemiya ilə əlaqədar yarışa hazırlığın tam aparılması üçün oyunların 2022-ci ilə təxirə salınması məqsədəuyğun hesab olunmuşdu. İlk dəfə İslam Həmrəyliyi Oyunları Səudiyyə Ərəbistanında keçirilib. Dördüncü İslam Həmrəyliyi Oyunlarına Azərbaycan ev sahibliyi edib. |
|
Xəbər 232 dəfə oxundu. |
|
|