“Qarabağ” klubu bu gün Almaniya və Rumıniya klubları ilə yoxlama oyunları keçirəcək

Avstriyada təlim-məşq toplanışında olan Ağdamın “Qarabağ” futbol klubu bu gün 2 yoxlama matçı keçirəcək. Ağdam təmsilçisi günün ilk oyununda Almaniyanın “Holştayn Kiel” komandası ilə üz-üzə gələcək. “St. Ulrix” stadionunda keçiriləcək qarşılaşma Bakı vaxtı ilə saat 14:00-da başlayacaq. Toplanışın və günün son matçında isə rəqib Rumıniyanın “Universitatya Krayova” klubu olacaq. “Yenbax” stadionunda oynanılacaq görüş Bakı vaxtı ilə saat 20:30-da start götürəcək. “Qarabağ” Avstriyadakı ilk yoxlama oyununda Rumıniyanın “Botoşani” komandasını 4 cavabsız qolla qalib gəlib.

Xəbər 350 dəfə oxundu.