Azərbaycan komandası U-23 Avropa çempionatında 11-ci olub | |
Şpaqa üzrə kişilərdən ibarət millimiz Estoniyanın paytaxtı Tallində keçirilən U-23 Avropa çempionatının komanda yarışında 11-ci olub. Barat Quliyev, Fərrux Səfərov və Ruslan Həsənovdan ibarət üçlük 8-liyə yüksəlmək uğrunda Estoniya yığmasına 38:45 hesabı ilə uduzub. Şpaqaçılarımız 9-12-ci yerlər uğrunda keçirilən görüşlərdə isveçrəli həmkarlarına 45:42 hesabı ilə qalib gəlib. Çex Respublikasını təmsil edən seçmə kollektivə isə 20:45 hesabı ilə məğlub olub. Kişi şpaqaçılarımız 11-ci yer uğrunda İspaniya yığması ilə keçirilən görüşdə 45:31 hesablı qələbə qazanıb. |
|
Xəbər 429 dəfə oxundu. |
|
|