Azərbaycan Dövlət Bədən Tərbiyəsi və İdman Akademiyasında “ASAPES-in Novruz Festivalı” adlı bayram tədbiri baş tutub.Tədbir Akademiyanın təhsil sahəsində fərqlənən və semestri yüksək göstəricilər ilə tamamlayan bir qrup tələbəsinin valideynlərinə ASAPES-in rektoru Fuad Hacıyev tərəfindən təşəkkürnamələrin təqdim edilməsi ilə başlayıb.
Ardınca Dj şou ilə başlayan tədbirdə, paralel olaraq tələbələr üçün müxtəlif yarışma və oyunlar təşkil edilib, birgə bayram sovqatlarından dadılıb.
Tədbirin maraqlı anlarından biri isə Akademiyanın Ulduz Səfirinin təqdimatı olub. Tanınmış ifaçı Rəvan Qaçayev konsert proqramı ilə çıxış edib.
Sonda əyləncəli oyunlar təşkil edilib və bayram tonqalı yandırılıb.
Xəbər 354 dəfə oxundu.