Cüdoçularımız yanvarın 28-30-da Portuqaliyanın Almada şəhərində keçiriləcək Qran-Pri yarışında iştirak edəcəklər.Ölkəmizi turnirdə kişilərdən ibarət milli komandanın baş məşqçisi Mövlud Mirəliyevin və qadınlardan ibarət yığmanın baş məşqçisi Rəşad Məmmədovun rəhbərliyi altında 12 cüdoçu təmsil edəcək. Belə ki, kişilər arasında Balabəy Ağayev, Rövşən Əliyev (60 kq), Yaşar Nəcəfov (66 kq), Zaməddin Poladov (73 kq), Zelim Çkayev (81 kq), Rüfət İsmayılov (90 kq), Adil Kərimli (100 kq), İmran Yusifov, Uşanqi Kokauri (+100 kq) mübarizə aparacaqlar. Qadınların yarışında isə Aydan Vəliyeva, Şəfəq Həmidova (48 kq) və Səbinə Əliyeva (52 kq) güclərini sınayacaqlar.
Turnirdə 45 ölkədən 400-ə yaxın idmançının iştirakı gözlənilir.
Xəbər 274 dəfə oxundu.