Yunan-Roma güləşi üzrə Azərbaycan millisinin Gürcüstanda təlim-məşq toplanışı davam edir
Yunan-Roma güləşi üzrə Azərbaycan millisinin Gürcüstanda təlim-məşq toplanışı davam edir.

Azsport.az Azərbaycan Güləş Federasiyasına istinadla xəbər verir ki, yığmamız Borjomi şəhərinin Bakuriani qəsəbəsində yerli komanda ilə birgə hazırlıq keçir. Dəniz səviyyəsindən 1700 metr yüksəklikdə yerləşən turizm bölgəsində təşkil olunan hazırlıq prosesində əsas hədəfi fiziki hazırlığı yüksəltməkdir. Hazırlıq prosesinə xalça üzərində Gürcüstan millisinin üzvləri ilə keçirilən taktiki-texniki çalışmalar da daxildir.

Qeyd edək ki, pəhləvanlarımız baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında yanvarın 25-dək qonşu ölkədə intensiv olaraq məşqləri davam etdirəcəklər.

Xəbər 282 dəfə oxundu.