Formula 2: Kalan Uilyams “Trident” komandası ilə müqavilə imzalayıb | |
Kalan Uilyams Formula 2 üzrə dünya çempionatının 2022-ci il mövsümündə “Trident” komandasında çıxış edəcək. Avstraliyalı pilot İtaliya təmsilçisi ilə müqavilə imzalayıb. Ötən iki mövsümü Formula 3-də keçirən pilot 2021-ci ili 19-cu pillədə başa vurub. K.Uilyams 2020-ci ildə xal qazana bilməyib. Qeyd edək ki, Formula 2 üzrə dünya çempionatının yeni mövsümü martın 20-də Bəhreyndə start götürəcək. Mövsümə noyabrın 20-də Əbu-Dabidə yekun vurulacaq. Mövsümün altıncı mərhələsinə Azərbaycan ev sahibliyi edəcək. Yarış iyunun 10-12-də Bakı şəhər halqasında keçiriləcək. Formula 2 yarışı yeni mövsümü rekord sayda - 14 mərhələdən ibarət olacaq. |
|
Xəbər 316 dəfə oxundu. |
|
|