Futzal üzrə Azərbaycan millisi sayca altıncı dəfə Avropa çempionatının final mərhələsində iştirak edəcək | |
Futzal üzrə Azərbaycan millisi yanvarın 22-də Avropa çempionatının final mərhələsində ilk oyununu keçirəcək. Bu, komandamızın sayca 6-cı final mərhələsi olacaq. Azsport.az Azərbaycan Futzal Federasiyasına istinadla xəbər verir ki, 2010-cu ildə bu mötəbər turnirin həlledici mərhələsində debüt edən millimiz ən uğurlu nəticəsini də həmin vaxt qazanıb – dördüncü yer. Yanvarın 19-dan fevralın 6-dək Niderlandda keçiriləcək Avropa çempionatının final mərhələsində Azərbaycan millisi D qrupunda mübarizə aparacaq. Yığmamız yanvarın 22-də Gürcüstan, dörd gün sonra İspaniya, ayın 29-da isə Bosniya və Herseqovina ilə qarşılaşacaq. |
|
Xəbər 265 dəfə oxundu. |
|
|