Sloveniyada komandalar arasında şahmat üzrə Avropa çempionatında Azərbaycanın qadınlardan ibarət komandası növbəti qələbəsini qazanıb.Turnirin dördüncü turunda şahmatçılarımız Almaniya yığması üzərində 3:1 hesablı qələbə qazanıblar. Hazırda komandamız 6 xalla turnir cədvəlində 3-7-ci yerləri bölüşür.
Qeyd edək ki, turnirin dördüncü turunda kişi şahmatçılarımızın Macarıstan komandası ilə qarşılaşmasında bərabərlik qeydə alınıb (2:2).
Kişi şahmatçılarımız 4 turun yekunlarına görə, 7 xalla turnir cədvəlində liderlər qrupunda yer alıb.
Avropa çempionatında kişilərin yarışında 39, qadınların mübarizəsində isə 29 komanda çıxış edir. Çempionat noyabrın 21-dək davam edəcək.
Xəbər 357 dəfə oxundu.