Avropa Voleybol Konfederasiyası tərəfindən Azərbaycan Voleybol Federasiyasının (AVF) beynəlxalq əlaqələr şöbəsinin rəhbəri Mixail Frişmana növbəti dəfə etimad göstərilib.Azsport.az AVF-yə istinadla xəbər verir ki, M.Frişman Belarusun paytaxtı Minskdə qadın voleybolçular arasında Çempionlar Liqasının ikinci raundunun “Minçanka Minsk” – “Olimpiakos Piraeus” (Yunanıstan) oyununda supervayzer kimi hakimlərin işinə qiymət verəcək.
Oktyabrın 14-də “Uruçye” İdman salonunda keçiriləcək qarşılaşmanın hakimləri ukraynalı Andrii Kovalçuk və rusiyalı Alexander Ryabtsov olacaqlar.
Qeyd edək ki, komandalar arasında Yunanıstanda təşkil olunan oyun “Olimpiakos Piraeus”un 3:2 hesablı qələbəsi ilə yekunlaşıb.
Xəbər 318 dəfə oxundu.