| Millimiz Lüksemburqla oyunun hazırlığını davam etdirir | |
|
Futbol üzrə UEFA Millətlər Liqasının ilk turunda Lüksemburqla qarşılaşacaq milli komandamız hazırlığı davam etdirir. Baş məşqçi Canni De Byazinin rəhbərlik etdiyi heyət məşqləri Mərdəkandakı milli komandaların təlim-məşq bazasında keçirir. Müəyyən səbəblərdən toplanışda iştirak edə bilməyən Dmitri Nazarov və Eddi İsrafilovdan başqa bütün futbolçular hazırlığa qatılıblar. Nizam-intizama ciddi fikir verən italiyalı mütəxəssis millinin oyunçularının da qoyduğu tələblərə riayət etməsini istəyir. Sentyabrın 4-də saat 17:15-də millimizin baş məşqçisinin mətbuat konfransı olacaq. Bundan yarım saat sonra isə seçməmizin açıq məşqi keçiriləcək. Azərbaycan-Lüksemburq qarşılaşması sentyabrın 5-də Bakı Olimpiya Stadionunda təşkil olunacaq. |
|
|
Xəbər 703 dəfə oxundu. |
|
|
|