“Chessable Masters”: Yan Nepomnyaşi finala vəsiqə uğrunda Aniş Giri ilə mübarizə aparacaq

Norveçli dünya çempionu Maqnus Karlsenin təşkilatçılığı ilə rapid üzrə keçirilən seriya turnirinin üçüncü mərhələsində — “Chessable Masters” yarışında yarımfinal oyunlarının sonuncu matçı keçiriləcək. İyulun 2-də final uğrunda mübarizənin sonuncu matçının oyunlarında rusiyalı Yan Nepomnyaşi hollandiyalı Aniş Giri ilə mübarizə aparacaq. Bundan əvvəl keçirilmiş iki matçın nəticəsinə görə, rəqiblər arasında hesab 1:1 olub. M.Karlsen çinli Liren Dinq üzərində qələbə qazanaraq finalda çıxış etmək hüququna sahib olub. “Chessable Masters” turnirinin B qrupunda mübarizə aparan Azərbaycan şahmatçısı Teymur Rəcəbov yarışda iştirakını dayandırıb. Turnirin mükafat fondu 150 min ABŞ dollarıdır.

Xəbər 577 dəfə oxundu.