AÇ-nin püşkü atıldı, millimiz Portuqaliya, Belçika və Şotlandiyaya rəqib oldu

Bu gün Bakı Olimpiya Stadionunda UEFA U-17 Avropa çempionatı Azərbaycan 2016-nın püşkatma mərasimi keçirilib. Tədbirdə AFFA-nın rəhbərliyi, Avropa və ölkə futbolunun tanınmış simaları, turnirin UEFA və Yerli Təkilat Komitəsinin üzvləri və digər rəsmi şəxslər iştirak ediblər. Püşkatma zamanı komandalar iki səbətdə yer alıb. Elit-raundda qrup qalibi olan 8 komandadan ən yaxşı nəticəyə malik 7 yığma 1-ci səbətdə qərarlaşıb. Bu komandalardan biri A qrupunda yer alıbsa, digər “dördlük”lərin hərəsinə iki səpələnmiş daxil olub. A səbəti: Danimarka, Ukrayna, İtaliya, Almaniya, Portuqaliya, Fransa, Serbiya B səbəti: Belçika, Şotlandiya, İngiltərə, Bosniya və Herseqovina, Hollandiya, İsveç, Avstriya, İspaniya. Püşkatma nəticəsində qruplar aşağıdakı kimi formalaşıb: A qrupu Azərbaycan Portuqaliya Belçika Şotlandiya B qrupu Ukrayna Almaniya Avstriya Bosniya-Herseqovina C qrupu Fransa Danimarka İngiltərə İsveç D qrupu İtaliya Serbiya Hollandiya İspaniya Püşkatma nəticəsində qrup mərhələsinin təqvimi də bəlli olub. Bu raundun ilk turu mayın 5-6-da, növbəti turu 8-9-da, son matçları 11-12-də keçiriləcək. Hər gün 2 qrupun hərəsində 2 matç – yəni 4 oyun baş tutacaq. Hər qrupdan iki komandanın yüksəldiyi 1/4 final ayın 14-15-də, yarımfinal 18-də, final isə 21-də keçiriləcək. Çempionatın oyunları 4 stadionda keçiriləcək. Qeyd edək ki, çempionatın oyunları Bakı Olimpiya Stadionu, “Dalğa Arena”, “Azərsun Arena" və "Bakcell Arena"da keçiriləcək.

Xəbər 711 dəfə oxundu.