Azərbaycan Premyer Liqasında XXI tura yekun vurulur

Bu gün futbol üzrə Azərbaycan Premyer Liqasında XXI tura yekun vurulacaq. Bağlanış oyununda “Kəpəz” “Araz- Naxçıvan”ı qəbul edəcək. Qəbələ şəhər stadionunda keçiriləcək görüş saat 15:00-da start götürəcək. Oyunu FIFA referisi Kamal Umudlu idarə edəcək. Hazırda Naxçıvan klubu 27 xalla altıncı, Gəncə təmsilçisi isə 17 xalla doqquzuncu pillədə qərarlaşıb. Qeyd edək ki, turun digər oyunlarında lider “Qarabağ” “Səbail”i, “Sumqayıt” “Neftçi”ni 2:1 hesabı ilə üstələyib. “Sabah” - “Turan Tovuz”, “Qəbələ” – “Zirə” matçlarında isə qalib müəyyənləşməyib – 1:1.

Xəbər 150 dəfə oxundu.