Bu gün Azərbaycan Premyer Liqasında növbəti oyun keçiriləcək

Bu gün futbol üzrə Azərbaycan Premyer Liqasında daha bir oyun keçiriləcək. Günün yeganə qarşılaşmasında “Turan Tovuz” “Zirə”ni qəbul edəcək. Tovuz şəhər stadionunda baş tutacaq matç saat 18:00-da start götürəcək. “Boz qurd”lar hazırda 16 xalla səkkizinci, “qartallar” isə 29 xalla ikinci yerdə qərarlaşıb. Azərbaycan Premyer Liqası XVII tur 16 dekabr (şənbə) 18:00. “Turan Tovuz” – “Zirə” Hakimlər: Elçin Məsiyev, Elşad Abdullayev, Rahil Ramazanov, Kamran Əliyev Hakim-inspektor: Asim Xudiyev AFFA nümayəndəsi: Elman Musayev Tovuz şəhər stadionu. Qeyd edək ki, tura dekabrın 18-də "Qarabağ" - "Neftçi" görüşü ilə yekun vurulacaq. Əvvəlki görüşlərdə "Səbail" "Qəbələ"yə 3:0, "Araz-Naxçıvan" "Sabah"a 2:0 hesabı ilə qalib gəlib. "Kəpəz" - "Sumqayıt" qarşılaşması isə qollu heç-heçə ilə başa çatıb - 1:1.

Xəbər 232 dəfə oxundu.