“Sabah”ın futbolçusu Azərbaycan çempionatlarında yubiley oyununu keçirib

“Sabah”ın futbolçusu Namik Ələskərov Azərbaycan çempionatlarında 200-cü oyununu keçirib. Onun yubileyi Premyer Liqanın XIV turuna təsadüf edib. 28 yaşlı yarımmüdafiəçi “Qarabağ”la ev matçına start heyətində çıxıb. O, 200 qarşılaşmada 38 qola imza atıb. N. Ələskərov Premyer Liqada 2011/2012-ci illər mövsümündə “Bakı”nın heyətində debüt edib. Yarımmüdafiəçi paytaxtın eyniadlı klubunda 19 (2 qol), “Qarabağ”da 25 (1 qol), “Kəpəz”də 15 (3 qol), “Neftçi”də 105 (29 qol), “Sabah”da 36 (3 qol) oyunda iştirak edib. Qeyd edək ki, Namik Ələskərov Azərbaycan çempionatları tarixində 200 və daha çox görüşə çıxan 148-ci futbolçudur.

Xəbər 135 dəfə oxundu.