Azərbaycanın üç güləşçisi dünya çempionatında yarımfinala vəsiqə qazanıb | |
Azərbaycanın üç yunan-Roma güləşçisi Serbiyanın paytaxtı Belqradda təşkil olunan lisenziya xarakterli dünya çempionatının yarımfinalına yüksəlib. Eldəniz Əzizli (55 kq), Sənan Süleymanov (77 kq) və Rafiq Hüseynov (82 kq) 1/4 final səddini uğurla keçiblər. Bu raundda Eldəniz Əzizli qazaxıstanlı Marlan Mukaşyova 6:0, Sənan Süleymanov Demeu Jadrayevə 5:1, Rafiq Hüseynov isə rusiyalı Aues Qonibovla (AİN) görüşdə geridönüş edərək 10:5 hesablı qələbəylə yarımfinala vəsiqə qazanıblar. Qeyd edək ki, 130 kq çəki dərəcəsində çıxış edən Beka Kandelaki mübarizəni erkən dayandırıb. |
|
Xəbər 97 dəfə oxundu. |
|
|