Bu gün 17 yaşadək qızlar arasında dünya çempionatında 2 oyun keçiriləcək

Bu gün 17 yaşadək qızlar arasında dünya çempionatında 2 oyun keçiriləcək. 8-ci km qəsəbə stadionunda baş tutacaq görüşlərlə 1/4 final mərhələsinə start veriləcək. Mundialda 11 qol vurmaqla rekorda imza atan KXDR və Nigeriya yarımfinal yolunda növbəti sınağa çıxacaqlar. İlk oyunda KXDR və Kanada üz-üzə gələcək. Birinci görüşdə Qambiyaya 11 cavabsız qol vurmaqla diqqət çəkən asiyalılar sonrakı 2 oyunda qalib gəlməməsini unutdurmalıdır. Kanadalılar isə cəmi 3 qolla mərhələ adlamasının təsadüf olmadığını göstərməlidir. Günün 2-ci matçında isə Nigeriya və Fransa görüşəcək. 2010-cu ildə 1/4 finaladək irəliləyən afrikalılar A qrupunda 1-ci olmaqlarının təsadüfdən qaynaqlanmadığını sübut etməlidir. İlk dəfə bu qədər irəliləyən Fransa isə Avropanın nüfuzunu qorumağa çalışacaq. 17 yaşadək qızlar arasında dünya çempionatı 1/4 final 4 oktyabr 17:00. KXDR – Kanada Baş hakim: Piri Moraq (Şotlandiya) Bakı. 8-ci km qəsəbə stadionu 20:00. Nigeriya – Fransa Baş hakim: Ri Hyanq Ok (KXDR) Bakı. 8-ci km qəsəbə stadionu

Xəbər 1083 dəfə oxundu.