“Qarabağ”ın futbolçusu bu mövsüm Avropa kuboklarında uğurlu oyunu ilə seçilir

“Qarabağ”ın futbolçusu Ovusu Kvabena bu mövsüm Avropa kuboklarında uğurlu oyunu ilə seçilir. Qanalı hücumçu komandasının dünən “Olimpiakos”a Afinada 3:0 hesabı ilə qalib gəldiyi oyunda böyük pay sahibi olub. Matçda ilk qolu məhz Ovusu Kvabena vurub. UEFA-nın açıqladığı statistik göstəriciyə əsasən, Ovusu Kvabena yarışın ilk 3 turunda çərçivəyə ən çox zərbə endirən (7 dəfə) oyunçular sırasında birinci yeri tutur. Bu zərbələrdən 2-si isə qol olub. Bununla da Ovusu Kvabena yarışın bombardirləri siyahısındadır. İlk pillələri hərəyə 3 qolla Ximenes (“Feyenoord”) və Qapko (PSV) tuturlar. Bundan başqa, Ovusu Kvabena qapıya ən çox zərbə endirən (11 dəfə) oyunçular sırasında da yer alıb - 4-cü pillə. Bu göstəricidə lider isə 14 zərbə ilə “Mançester Yunayted”li Kriştiano Ronaldodur.

Xəbər 269 dəfə oxundu.