“Sabah” klubu tarixinin iki rekorduna imza atıb | |
“Sabah” klubu tarixinin iki rekorduna imza atıb. Paytaxt klubu Premyer Liqada ən böyük hesablı qələbəsini qazanıb, həmçinin özünün ən yüksək məhsuldarlığını nümayiş etdirib. Bu, XXIV turun “Şamaxı” ilə ev görüşündə gerçəkləşib. 5:1 hesabı ilə qalib gələn Bakı təmsilçisi indiyədək heç vaxt 3-dən çox qol vurmamışdı. On iki qarşılaşmada üç top vuran və bunların altısında 3:0 hesabı ilə qalib gələn “Sabah” həm ilk dəfə 4 top fərqi ilə qalib gəlib, həm də ilk dəfə 4 və ya daha çox – 5 qol vurub. Bu, klub tarixinin Premyer Liqadakı yubiley – 100-cü matçında qeydə alınıb. “Sabah” bu oyunlarda 30-cu qələbəsini qazanıb. Zurab Oçiqava komandasının ikinci qoluna imza atmaqla Bakı təmsilçisinin Premyer Liqadakı 100-cü qolunu vurub. Bu, 50-ci ev matçındakı 15-ci qələbə kimi tarixə düşüb. |
|
Xəbər 261 dəfə oxundu. |
|
|