Azərbaycan Premyer Liqasının XXII turunda rekord qeydə alınıb

Futbol üzrə Azərbaycan Premyer Liqasının XXII turunun 4 oyunundan üçündə heç-heçə qeydə alınıb. Azsport.az Peşəkar Futbol Liqasına (PFL) istinadla xəbər verir ki, yalnız “Qarabağ” klubu ilə “Sumqayıt” arasındakı matçda qalib müəyyənləşib – 4:1. “Zirə” – “Keşlə” və “Səbail” – “Sabah” oyunlarında hesab açılmayıbsa, “Qəbələ” – “Neftçi” görüşündə 4 qol vurulub – 2:2. Dörd matçda üç heç-heçənin qeydə alınması 8 komandanın mübarizə apardığı son 5 mövsümün rekordunun təkrarıdır. Bu müddətdə 9-cu dəfə belə hadisə yaşanır. Cari mövsümdə isə ikinci dəfə 3 heç-heçəyə təsadüf olunub. İlk belə hal XI turda gerçəkləşmişdi.

Xəbər 335 dəfə oxundu.