“Qəbələ” klubu braziliyalı hücumçu ilə müqavilə imzalayıb

Transfer çalışmalarını davam etdirən “Qəbələ” klubu heyətini yeni futbolçu ilə gücləndirib. “Qırmızı-qaralar” Azərbaycan Premyer Liqasının növbəti turu ərəfəsində braziliyalı Rafael Utziqin transferini reallaşdırıb. İyirmi dörd yaşlı hücumçu ilə 1+1 illik müqavilə imzalanıb. İndiyədək yalnız vətənində çıxış edən cənubi amerikalının sonuncu klubu “Parana” olub. Sağ cinah vingeri mövqeyində də oynayan R.Utziq 2018-2020-ci illərdə fasilə ilə bu komandanın heyətində A və B seriyalarında çıxış edib. Utziq karyerası ərzində “Foz de İquaçu”, “Kaskavel”, “Ypiranqa Ereçim” və “Çianorte”nin də formasını geyinib.

Xəbər 510 dəfə oxundu.